برطانیہ۔ واٹر پلانٹ میں ہولناک دھماکے سے 4 افراد ہلاک

برطانیہ  کے شہر برسٹل کے نزدیک ایک واٹر پلانٹ میں  ہولناک دھماکے سے 4 افراد ہلاک ہونے کی تصدیق ہوگئی ہے۔ایون ماؤتھ پولیس نے چار ہلاکتوں کی تصدیق کردی ہے جبکہ جائے وقوعہ کو گھیرے میں لیے ہوا ہے اور واقعے کی مزید تحقیقات بھی کی جارہی ہیں۔

برطانوی خبر رساں ادارے کے مطابق ایونماؤتھ کے علاقے میں واقع ری سائیکلنگ پلانٹ کے ایک بڑے ٹینک میں کیمائی مواد کے کے باعث ہولناک دھماکا ہوا۔

مقامی فائر بریگیڈ کے ترجمان کا کہنا ہے کہ  جنوب مغربی برطانیہ میں ایون ماؤتھ کے علاقے میں مقامی وقت کے مطابق دن کے 11 بج کر20 منٹ پرہولناک دھماکا سنا گیا ہے۔  دھماکے کی اطلاع ملتے ہی فائر بریگیڈ، پولیس اور طبی عملہ جائے وقوعہ پر پہنچ گیا۔