شاہ لطیف ٹاؤن سے وائٹ کارگینگ کا کارندہ گرفتار

کراچی کے علاقے شاہ لطیف ٹاؤن سے انتہائی مطلوب وائٹ کارگینگ کے کارندے کوگرفتارکرلیا گیا۔

ایس ایس پی ملیر عرفان بہادر کے مطابق پولیس نے انٹیلی جنس اطلاع پر شاہ لطیف ٹاؤن میں چھاپہ مارا اور انتہائی مطلوب وائٹ کار گینگ کاے کارندے کو گرفتارکرلیا۔

ایس ایس پی عرفان بہادر کا کہنا تھا کہ ملزم کے خلاف سی ٹی ڈی سمیت دیگر تھانوں میں مقدمات درج ہیں اورملزم پولیس پر فائرنگ، قتل، اقدام قتل کے مقدمات میں مطلوب تھا۔

ان کا کہنا تھا کہ ملزم صادق بینک سے رقم لے کر نکلنے والوں کو لوٹتا تھا، ملزم کے دیگر ساتھی پہلے بھی گرفتار ہوچکے ہیں۔

ایس ایس پی ملیرکا بتانا ہے کہ گرفتار ملزم شہر میں منشیات کی سپلائی میں بھی ملوث تھا، ملزم سے 5 کلو سے زائد منشیات اور موبائل فون بھی برآمد ہوئے۔