ایم کیوایم لندن ڈیتھ اسکواڈکاٹارگٹ کلرگرفتار.

سی ٹی ڈی آپریشن نے کاروائی کرتے ہوئے  ایم کیو ایم لندن ڈیتھ اسکواڈ کے ٹارگٹ کلرکو گرفتارگرفتار کرلیا۔
ایس ایس پی سی ٹی ڈی عارف عزیزکے مطابق کارروائی پرانی سبزی منڈی یونیورسٹی روڈ پر کی گئی۔ملزم عدنان مارواڑی عرف اے ڈی دانش کو اسلحہ سمیت گرفتار کیا گیا۔ملزم کافی عرصے سے روپوش تھا۔

ایس ایس پی سی ٹی ڈی عارف عزیزکے مطابق گرفتار ملزم لیاری سیکٹر 29ڈیتھ اسکواڈ کا انچارج رہ چکا ہے۔دوران تفتیش ملزم نے 27افراد کو قتل کرنے کا انکشاف کیاہے۔ملزم نے مذہبی و سیاسی جماعت کے علاوہ متعدد افراد کو ٹارگٹ کیاہے۔

ایس ایس پی سی ٹی ڈی عارف عزیزکے مطابق ملزمان کے ساتھیوں میں سیکٹر انچارج یاسر صدیقی ، سیکٹر ذمہ دار پرویز،یوسی انچارج ندیم خان ،سیکٹر انچارج ناصر خان، پارٹی انچارج فیصل ملاہ بھی شامل ہیں۔اس کے علاوہ امین عرف ون ٹو فائیو، رابطہ کمیٹی انچارج منیر اور شاہ عالم بھی شامل ہیں۔
ایس ایس پی سی ٹی ڈی عارف عزیزکے مطابق ملزمان کے خلاف کراچی کے مختلف تھانوں میں مقدمارت درج ہیں۔