بھارت کے احتجاجی کسانوں نے اہم اعلان کردیا
متنازع زرعی قوانین واپس نہیں لیے تو 26 جنوری یو م جمہوریہ کے دن دہلی کے پریڈ روڈ پر تریکٹر چلائیں گے۔
بھارت میں کسانوں نے بھارتی یوم جمہوریہ پر احتجاج کا اعلان کیا ہے، کسان رہنما کا کہنا ہے کہ اگر متنازع زرعی قوانین واپس نہیں لیے تو26 جنوری یو م جمہوریہ کے دن دہلی کے پریڈ روڈ پرٹریکٹرکرچلائیں گے۔
نجی ٹی وی کے مطابق کسان رہنمائوں نے سپریم کورٹ کی طرف سے بنائی کمیٹی کو بھی مسترد کر دیا۔ کسان رہنماؤں کا کہنا ہے کہ حکومت بات چیت کا ڈرامہ کر رہی ہے مودی پر یقین نہیں کر سکتے۔ہریانہ، پنجاب، راجستھان اور یوپی سمیت کئی صوبوں میں کاشتکار ٹریکٹر ریلیاں نکال کر لوگوں کو26 جنوری کو دلی پہنچنے کی مہم چلا رہے ہیں۔
کسانوں کو کہنا ہے سپریم کورٹ کا کمیٹی بنانےکا فیصلہ مودی کی چال ہے،مظاہرین نے متنازعہ قوانین کی واپسی تک ڈٹے رہنےکا اعلان کیا ہے۔