راولا کوٹ ہاکس نے فائنل کے لیے کوالیفائی کرلیا

مظفرآباد:راولا کوٹ ہاکس نے میر پور رائلز کو چار وکٹوں سے شکست دیکر فائنل کے لیے کوالیفائی کرلیا۔

راولا کوٹ ہاکس نے 237 رنز کا ہدف آخری اوور میں چھ وکٹوں کے نقصان پر پورا کرلیا۔راولا کوٹ ہاکس کی جانب سے کاشف علی 114، حسین طلعت 51اور شاہد آفریدی 19 رنز بناکر نمایاں رہے۔کاشف علی نے 114 رنز صرف 51 گیندوں پر بنائے ان کی اننگز میں نو چوکے اور آٹھ چھکے شامل تھے انہیں عمدہ بیٹنگ پر مین آف دی میچ قرار دیا گیا۔ میر پور رائلز کی جانب سے عماد بٹ تین اور ثمین گل دو وکٹیں حاصل کرکے نمایاں رہے۔

قبل ازیں میر پور رائلز نے پہلے بیٹنگ کرتے ہوئے 236 رنز بنائے تھے۔میر پور رائلز کی جانب سے شرجیل خان نے 63 گیندوں پر 141رنز کی شانداراننگز کھیلی تھی ،ان کی سنیچری میں 12چوکے اور 12چھکے شامل تھے۔

رپورٹس کے مطابق راولا کوٹ ہاکس کا فائنل میں مقابلہ مظفر آباد ٹائیگرز کے ساتھ ہو گا، میچ شام سات بجے شروع ہو گا۔

KASHIF ALI WINS IT FOR @HawksKPL 🤩

They set up the final @kpl_20 final clash against @TigersOfKPL 🙌

Full scorecard ➡️ https://t.co/28ED33uGEo#KPL21 #MRvRH https://t.co/Yn1I0kMC13

— CricWick (@CricWick) August 16, 2021