ملک بھر میں کورونا مزید 75زندگیاں نگل گیا

اسلام آباد:ملک بھر میں کورونا وائرس مزید 75زندگیاں نگل گیا جبکہ گزشتہ 24گھنٹوں میں تین ہزار842 نئے کیسز سامنے آگئے ۔

نیشنل کمانڈ اینڈ آپریشن سینٹر(این سی او سی) کے جاری کردہ تازہ اعداد و شمارکے مطابق حالیہ اموات کے بعد پاکستان میں کورونا سے جاں بحق ہونے والوں کی کل تعداد 24 ہزار923 ہوگئی جبکہ گیارہ لاکھ 23ہزار812افراد کورونا سے متاثر ہو چکے ہیں ۔

سندھ کورونا سے متاثر ہونے والا سب سے بڑا صوبہ ہے جہاں چار لاکھ 19ہزار810افراد کورونا وائرس سے متاثر ہوئے ہیں ، چھ ہزار590افراد مہلک وائرس کی بھینٹ چڑھے ، تین لاکھ 65ہزار735افراد نے مہلک وائرس کو شکست دی جبکہ صوبے میں 47ہزار485مریض زیر علاج ہیں ۔

نجاب کورونا سے متاثر ہونے والا دوسرا بڑا صوبہ ہے جہاں تین لاکھ 79 ہزار574افراد کورونا سے متاثر ہوئے ، 23ہزار197 مریض اب بھی زیر علاج ہیں جبکہ 11 ہزار 527 افراد جاں بحق ہو چکے ہیں ، پنجاب میں تین لاکھ 44ہزار132مریضوں نے کورونا کو شکست دی ۔

خیبرپختونخوا میں ایک لاکھ 56ہزار365افراد میں کورونا کی تشخیص ہوئی ،7 ہزار461 مریض اب بھی ہسپتالوں میں زیر علاج ہیں جبکہ چارہزار772اموات واقع ہوئی ہیں ، صوبے میں ایک لاکھ 44ہزار132افراد نے مہلک وائرس سے جنگ جیتی ۔

وفاقی دارالحکومت اسلام آباد میں 96ہزار30کورونا کیسز سامنے آئے ، پانچ ہزار 476افراد کا علاج معالجہ جاری ہے جبکہ 851افراد جان کی بازی ہار گئے ، وفاقی دارالحکومت میں 89ہزار703 افراد کورونا کو شکست دینے میں کامیاب رہے ۔

گلگت بلتستان میں کورونا کے 9 ہزار617مریض سامنے آئے جن میں سے 701اب بھی زیر علاج ہیں ، گلگت بلتستان میں 170افراد کی کورونا سے اموات ہوئیں ، آٹھ ہزار746افراد نے وائرس کے بعد خود کو ریکور کیا۔

بلوچستان میں 31ہزار819 افراد کورونا سے متاثر ہوئے ، 335اموات ہوئیں جبکہ 597 تاحال زیر علاج ہیں ۔

آزاد جموں و کشمیر میں کورونا کے باعث 678اموات ہوئیں ، مجموعی طور پر 30ہزار597افراد کورونا کا شکار ہوئے ، چار ہزار417مریض زیر علاج ہیں جبکہ 25ہزار502 نے مہلک وائرس کو شکست دی ۔