ٹی 20 ورلڈکپ۔ آج دو میچز کھیلے جائیں گے

ابوظہبی:ٹی 20 ورلڈکپ 2021 میں آج دو میچز کھیلے جائیں گے۔

پہلا میچ ابوظہبی میں انگلینڈ اوربنگلہ دیش کے درمیان کھیلا جائے گا، میچ دبئی کے شیخ زید اسٹیڈیم میں پاکستانی وقت کے مطابق سہ پہر تین بجے شروع ہوگا۔

دونوں ٹیمیں ٹی 20 ورلڈکپ میں اب تک ایک ایک میچ کھیل چکی ہیں۔انگلینڈ نے ٹی ٹوئنٹی ورلڈکپ کا فاتحانہ آغاز کیا تھا، 23 اکتوبر کو کھیلے گئے میچ میں انگلش ٹیم نے ٹی ٹوئنٹی کی دفاعی چیمپئن ویسٹ انڈیز کو محض 55 رنز پر آؤٹ کیا اور مطلوبہ ہدف چار وکٹوں کے نقصان پر پورا کرلیا تھا۔ بنگلہ دیش کو سری لنکا نے سنسنی خیز مقابلے کے بعد پانچ وکٹوں سے شکست دی تھی۔

دوسرا میچ بھی ابوظہبی میں ہوگا جو اسکاٹ لینڈاور نمیبیا کے مابین شام سات بجے کھیلا جائے گا۔، نمیبیا سپر 12 مرحلے کا آج پہلا میچ کھیلے گی جبکہ اسکاٹ لینڈ کو افغانستان نے 130 رنز کی عبرتناک شکست سے دو چار کیا تھا۔