ناموس رسالت وناموس صحابہ ہمارے ایمان کا مسئلہ ہے۔مقررین

کراچی:ترجمان اہلسنت والجماعت ڈسٹرکٹ سینٹرل محمد شاہ رخ نے ایک اعلامیے میں کہا ہے کہ گزشتہ روز بعد نماز مغرب

مرکزاہلسنت جامع مسجد صدیق اکبر رض متصل روڈ ناگن چورنگی میں*سیرت خاتم الانبیاء صلی اللہ علیہ وسلم و عظمت صحابہ رض کانفرنس*منعقد ہوئی،جس سے مسلمانوں کے تمام مکاتب فکرکے جید علمائے کرام نے خطاب کیا۔

 کانفرنس سے علامہ تاج محمدحنفی،علامہ عبدالجبارحیدری، مولانا اشرف طاہر، علامہ غازی اورنگزیب فاروقی ، علامہ محمد سعیداحمد اسعد،مفتی حماداللہ مدنی ،مولانا مزمل اقبال ودیگر سیاسی مذہبی جماعتوں کے رہنماوں نے خطاب کیا۔

مقررین کا کانفرنس کے شرکا سے خطاب کرتے ہوئے کہنا تھا کہ تحفظ ناموس رسالت صلی اللہ علیہ وسلم وتحفظ ناموس صحابہ رض واہلبیت رضاتحاد امت کی علامت ہے اور پوری امت کا اس بات پر اجماع ہے کہ ناموس رسالت صلی اللہ علیہ وسلم ناموس صحابہ رض اہلبیت رض ہمارے ایمان کا مسئلہ ہے۔