ملک بھر میں کورونا وائرس مزید 10 زندگیاں نگل گیا

اسلام آباد:ملک بھر میں مہلک کورونا وائرس سے گزشتہ 24 گھنٹوں میں مزید 10 زندگیاں نگل گیا جس کے بعد اموات کی مجموعی تعداد 28 ہزار628 ہو گئی ہے ۔

نیشنل کمانڈ اینڈ آپریشن سینٹر(این سی او سی) کے جاری کردہ تازہ اعداد و شمارکے مطابق گزشتہ 24 گھنٹوں میں مزید 270 کیسز سامنے آئے جس کے بعد سندھ میں چارلاکھ 73 ہزار 293 ، پنجاب میں چارلاکھ  42 ہزار 68 جبکہ خیبرپختونخوا میں ایک لاکھ  79 ہزار 276 افراد مہلک وائرس کا شکار ہو چکے ہیں ۔

وفاقی دارالحکومت اسلام آباد میں اب تک ایک لاکھ سات ہزار 383 ، بلوچستان میں 33 ہزار 422 ، گلگت بلتستان میں  10 ہزار 403 اور آزاد جموں و کشمیر میں  34 ہزار 517 افراد  مہلک وائرس سے متاثر ہوئے ہیں ۔

ملک میں اب تک دو کروڑ  14 لاکھ  84 ہزار 466 افراد کے کورونا ٹیسٹ کیے جا چکے ہیں ۔  ملک میں ایک ہزار 85 مریضوں کی حالت تشویشناک ہے ۔

اموات کے لحاظ سے پنجاب سب سے بڑا صوبہ ہے جہاں 12 ہزار 984 افراد جان کی بازی ہار چکے ہیں ، سندھ میں  سات ہزار 605 ، خیبرپختونخوا میں پانچ ہزار 805 ، وفاقی دارالحکومت اسلام آباد میں 949 ، بلوچستان میں 358 اور گلگت بلتستان میں  186 جبکہ ریاست آزاد جموں و کشمیر میں 741 مریض انتقال کر چکے ہیں ۔