سندھ گورنمنٹ آفیسرزایسوسی ایشن کےقیام کااعلان

محکمہ تعلیم حکومت سندھ کے افسران کا اجلاس ڈائر یکٹریٹ آف اسکول ایجوکیشن کے دفتر میں منعقد ہوا جس میں کراچی ریجن کے مختلف افسران نے شرکت کی اور سندھ گورنمنٹ آفیسرز ایسوسی ایشن کے قیام کا اعلان کیا گیا۔

قیام کے اعلان کے ساتھ ہی ایسوی ایشن کی 10رکنی ایڈ ہاک باڈی کا بھی اعلان کیا گیا جس میں عمر دراز خان کو صدر منتخب کیا گیا جبکہ نجم الشجاع فاروقی اور عمیر بیگ كو سینئر وائس پریذیڈنٹ کے عہدے پر فائز کیا گیا۔ امتیاز علی چاچڑ جنرل سیکریٹری اور علی نواز بخیر انی فنانس سیکریٹری کی ذمہ داریاں نبھائیں گے ۔

اجلاس میں محکمہ تعلیم میں آفس ایڈمنسٹریشن کیڈر کے افسران کے ساتھ ہونے والی زیادتیوں پر تشویش کا اظہار کیا گیا اور اس بات پر زوردیا گیا کہ ایسوسی ایشن کےدائرےکو اندرون سندھ اور دیگر محکموں تک پھیلایا جائے تا کہ اس ضمن میں مشترکہ کاوشوں کے ذریعے افسران کے حقوق حاصل کئے جا سکے اور ان میں پھیلی بے چینی اور مایوسی کا تدارک کیا جا سکے۔