پاکستان اور ویسٹ انڈیزکے درمیان ون ڈے سیریز ملتوی

کراچی:کھلاڑیوں میں کورونا وائرس کی تصدیق کے سبب پاکستان اور ویسٹ انڈیزکرکٹ ٹیم کے درمیان ون ڈے سیریز کو ملتوی کردیا گیا ہے۔

پاکستان اور ویسٹ انڈین کرکٹ بورڈ کی جانب سے جاری مشترکہ اعلامیے کے مطابق دونوں ملکوں کی ون ڈے سیریز ملتوی کردی گئی ہے۔ سیریز کو جون 2022 تک ملتوی کیا گیا ہے ۔ جون میں اس سیریز کا شیڈول دوبارہ جاری کیا جائے گا۔

نجی ٹی وی کے مطابق سیریز 6 کھلاڑیوں اور2 آفیشلز کے کورونا ٹیسٹ مثبت آنے پر ملتوی کی گئی، پی سی بی اور ویسٹ انڈین کرکٹ بورڈ کا مشترکہ اعلامیہ جاری کیا گیا۔

واضح رہے کہ پاکستان اور ویسٹ انڈیزکے درمیان 3 ون ڈے میچز کی سیریز18 دسمبر سے کراچی میں ہی شروع ہونی تھی۔ پاکستان اور ویسٹ انڈیز کے درمیان ون ڈے انٹرنیشنل سیریزآئی سی سی مینز کرکٹ ورلڈ کپ سپر لیگ کا حصہ تھی۔