بابرغوری جسمانی ریمانڈ پر پولیس کے حوالے

کراچی:پولیس نے ایم کیو ایم کے رہنما اور سابق وفاقی وزیر بابرغوری کوعدالت میں پیش کرکے ان کا 12 جولائی تک ریمانڈ حاصل کرلیا۔

پولیس کی جانب سے کہا گیا کہ بانی ایم کیو ایم  اشتعال انگیز تقریر میں ہڑتالیں اور دو قومی نظریے کے خلاف اکسا رہے تھے ، بابرغوری تقریر پرتالیاں بجا رہے تھے ، ملزمان نے پاکستان کے کروڑوں عوام کا دل دکھایا جس کے خلاف 2015 میں تھانہ صنعتی ایریا سپر ہائی وے  میں رمضان نامی شخص کی مدعیت میں مقدمہ درج کرایا گیا۔

مقدمے کے دیگر ملزمان میں وسیم اختر، خالد مقبول صدیقی ، ریحان ہاشمی ، خواجہ اظہار ، فاروق ستار ، رشید گوڈیل ، نسرین جلیل ، حیدر عباس رضوی و دیگر شامل ہیں ۔

ایم کیو ایم کے رہنما بابر غوری نے کہا کہ  مجھ پرلگائےگئےتمام الزامات جھوٹےہیں، میری والدہ شدیدعلیل ہیں، دل کےہاتھوں مجبورہوکروطن واپس آیاہوں، وطن واپسی کیلئےضمانت کرائی تھی، مجھےاس مقدمہ کاپتہ نہیں تھا،نہ ہی کوئی نوٹس ملا، مقدمہ میرےپاکستان سےجانےکےبعددرج کیاگیا۔

نجی تی وی کے مطابق بابرغوری کو وطن واپسی پر گزشتہ روز کراچی ایئرپورٹ سے گرفتار کیا گیا وہ متعدد کیسز میں نیب کو مطلوب ہیں۔ آج پولیس نے انہیں عدالت میں پیش کردیا جہاں جج نے انہیں 12 جولائی تک ریمانڈ پر پولیس کے حوالے کردیا۔