فاسٹ بولرنسیم شاہ میں نمونیا کے بعد کرونا کی بھی تشخیص

لاہور: قومی ٹیم کے نوجوان فاسٹ بولر نسیم شاہ میں نمونیا کے بعد کرونا وائرس کی بھی تشخیص ہوئی ہے۔ذرائع کے مطابق نسیم شاہ کا کرونا ٹیسٹ مثبت آیا ہے اور وہ  اسپتال میں ہی زیر علاج ہیں، نسیم شاہ انگلینڈ کے خلاف سیریز کے باقی میچز کے لیے دستیاب نہیں ہوں گے۔

یاد رہے کہ نسیم شاہ کو دو روز قبل بخار کے باعث اسپتال میں داخل کروایا گیا تھا اور گزشتہ روز پی سی بی نے نسیم شاہ کے نمونیا میں مبتلا ہونے کے بارے میں بتایا تھا۔

ذرائع کا کہنا ہے کہ نسیم شاہ کی آئندہ میچز میں شرکت اور اسکواڈ کے ہمراہ نیوزی لینڈ روانگی کا فیصلہ ان کی رپورٹس دیکھنے کے بعد  میڈیکل ٹیم کرے گی۔