12 غیر ملکی کھلاڑی پاکستان جونیئر لیگ میں شرکت کیلئے لاہور پہنچ گئے

لاہور( اُمت نیوز)پاکستان جونیئر لیگ میں شرکت کے لیے 12 غیر ملکی کھلاڑی لاہور پہنچ گئے ہیں

رپورٹس کے مطابق 12 مزید کھلاڑی اگلے دو سے تین روز میں لاہور پہنچیں گے،غیر ملکی کھلاڑی پاکستان جونیئر لیگ میں شرکت کے لیے پرجوش ہیں۔

گجرانوالہ جائنٹس کے تھامس کا کہنا ہے کہ وہ ٹیم مینٹور شعیب ملک سے ملنے کے منتظر ہیں اس لیگ سے کھلاڑیوں کو ٹیلنٹ دکھانے کا اچھا موقع ہے۔

پاکستان جونیئر لیگ میں شامل ٹیموں کو چار دن ٹریننگ کا موقع ملے گا، لیگ کا آغاز 6 اکتوبر سے ہوگا۔