ایشیا کپ۔ پاکستان نے ملائیشیا کو 9وکٹوں سے شکست دیدی

سلہٹ:پاکستان ویمنز ٹیم نے ایشیا کپ میں ملائیشیا کو 9وکٹوں سے شکست دیدی ، ملائیشیا کا 58رنزکا ہدف پاکستانی ٹیم نے ایک وکٹ کے نقصان پر پورا کرلیا ۔

تفصیلات کے مطابق مطابق ملائیشیا ویمنز کرکٹ ٹیم نے پہلے کھیلتے ہوئے  مقررہ اوورز میں 9 وکٹوں کے نقصان پر 57 رنز بنائے، پاکستان کی جانب سے عمائمہ سہیل نے 3 کھلاڑیوں کو پویلین واپس بھیجا جبکہ طوبہ حسن نے 2 کھلاڑیوں کو آؤٹ کیا ۔

ملائشیا کے ہدف کے جواب میں پاکستان کی اوپنر بیٹر سدرہ امین نے 31 رنزبنا کرآؤٹ ہوئیں جبکہ منیبہ علی 21 رنز بنا کرناٹ آؤٹ ہوئیں۔ پاکستان نے ایک وکٹ کے نقصان پر نویں اوور میں ہدف حاصل کرلیا ۔