ٹی ٹوئنٹی ورلڈکپ: نیوزی لینڈ کی آئرلینڈ کیخلاف بیٹنگ جاری

ایڈیلیڈ : ٹی ٹوئنٹی ورلڈکپ کے آج کے میچ میں آئرلینڈ نے نیوزی لینڈ کے خلاف ٹاس جیت کر فیلڈنگ کا فیصلہ کیا ہے۔تفصیلات کے مطابق ایڈیلیڈ اوول میں کھیلے جانے والے ٹورنامنٹ کے37 ویں میچ میں نیوزی لینڈ اور آئرلینڈ کی ٹیمیں  آمنے سامنے ہیں ، نیوزی لینڈ آئرلینڈ کے خلاف پہلے بیٹنگ کررہی ہے۔

نیوزی لینڈ کی ٹیم کین ولیم سن کی زیرقیادت میدان میں اتری جبکہ آئرلینڈ کواینڈریو بالبرینی لیڈ کر رہے ہیں۔پوائنٹس ٹیبل پر  آسٹریلیا، نیوزی لینڈ اور انگلینڈ  5،5 پوائنٹس کے ساتھ موجود ہیں   ، رن ریٹ کے اعتبار سے نیوزی لینڈ سب سے آگے ، دوسرے نمبر پر انگلینڈ اور تیسرے پر دفاعی چیمپئن آسٹریلیا ہے دوسری جانب  آئرلینڈ  ٹیم ایونٹ سے باہر ہوچکی ہے۔