ترکیہ میں ہونیوالے دھماکے کا مرکزی ملزم گرفتار

استنبول: ترکیہ میں گزشتہ روز ہونے والے  بم دھما کے کے ملزم کو پولیس نے گرفتار کر لیا۔غیر ملکی میڈیا رپورٹ کے مطابق استنبول پولیس استقلال ایونیو میں ہونے والے بم دھماکے کے مرکزی ملزم کو گرفتار کر لیا ہے۔

تازہ رپورٹ کے مطابق استنبول میں ہونے والے بم دھماکے میں 6 افراد جاں بحق اور 81 زخمی ہوئے تھے دھماکےکے وقت سیاحوں کی بڑی تعداد موجود تھی۔

CCTV footage of Isteqlaal Street Blast in Istanbul.#IstanbulBlast pic.twitter.com/fzIpyiEtXV

— Albatross (@ItsTalatAgain) November 13, 2022

ترک وزیرداخلہ کا کہنا ہے کہ پولیس نے استنبول کے استقلال ایونیو پر بم نصب کرنے والے شخص کو گرفتار کر لیا ہے ملزم نے استنبول کے مصروف ترین علاقے استقلال اسٹریٹ پر بم نصب کیا تھا۔

دھماکے کی سی سی ٹی وی ویڈیو میں دیکھا جاسکتا ہے کہ جائے وقوعہ پر سیاحوں کی بڑی تعداد موجود تھی اور دھماکے کے بعد افراتفری پھیل گئی جس سے کچلے جانے کے باعث بھی لوگوں کی بڑی تعداد زخمی ہوئی۔

یاد رہے کہ گزشتہ روز ترک صدر رجب طیب اردگان نے واردات کو دہشتگردی قرار دیتے ہوئے کہا تھا کہ  ابتدائی معلومات سے پتہ چلتا ہے کہ اس حملے میں ایک خاتون بھی ملوث ہے جس کی تلاش جاری ہے۔