فیصلہ کُن ٹی ٹوئنٹی ، پاکستان اور آئرلینڈ ویمن کرکٹرز کی ٹریننگ

لاہور(اُمت نیوز)لاہور میں سیریز کے فیصلہ کُن ٹی ٹوئنٹی انٹرنیشنل میچ سے قبل پاکستان اور آئرلینڈ کی ویمن کرکٹ ٹیموں نے قذافی اسٹیڈیم میں ٹریننگ کی۔
لاہور کے خوشگوار موسم میں آئرش کرکٹرز نے ایک بار پھر میوزک کی دھن پر فزیکل ٹریننگ کی اور فٹ بال بھی کھیلی۔
قذافی اسٹیڈیم میں دونوں ٹیموں کی کھلاڑیوں نے فزیکل ٹریننگ پر فوکس کیا۔
پاکستان اورآئر لینڈ کے درمیان 3 ٹی ٹوئنٹی میچز کی سیریز ایک ایک سے برابر ہے، فیصلہ کُن میچ کل لاہور میں کھیلا جائے گا۔
واضح رہے کہ اس سے قبل تین ون ڈے میچز کی سیریز میں پاکستان ویمن ٹیم نے آئرلینڈ کو کلین سوئپ شکست دی تھی۔