سرفراز کے بیٹے کی ویڈیو پرشاداب خان کا دلچسپ تبصرہ

اسلام آباد(اُمت نیوز)پاکستان کرکٹ ٹیم کے آل راؤنڈر شاداب خان نے سرفراز احمد کے بیٹے کی ویڈیو پر دلچسپ تبصرہ کردیاہے۔
قومی ٹیم کے سابق کپتان سرفراز احمد نے اپنے بیٹے عبداللہ کے شاداب خان کے اسٹائل میں بولنگ کروانے کی ویڈیو شیئر کی۔
ویڈیو کے کیپشن میں سرفراز احمد نے لکھا کہ شاداب اسے چیک کرو۔
جس کے جواب میں شاداب خان نے کہا کہ عبداللہ نے پہلے سیفی بھائی کے دل میں میری جگہ لے لی اب پاکستان ٹیم میں میری جگہ نہ لے جائے۔
شاداب خان کو جواب دیتے ہوئے سرفراز احمد نے ہنستے ہوئے کہا کہ ایسا نہیں ہونے والا آپ اور عبداللہ دونوں میرے دل میں ساتھ رہتے ہیں اور ہمیشہ رہیں گے۔
جواب میں شاداب خان نے سرفراز احمد سے محبت کا اظہار کرتے ہوئے ان کا شکریہ بھی ادا کیا۔
واضح رہے کہ سرفراز احمد کی قیادت میں پاکستان نے بھارت کو چیمپئنز ٹرافی کے فائنل میں شکست دی تھی، سابق کپتان نے 49 ٹیسٹ، 117 ون ڈے اور 61 ٹی ٹوئنٹی میچز پاکستان کی نمائندگی کی ہے۔