ساجد جاوید کا آئندہ الیکشن میں حصہ نہ لینے کا اعلان

برطانیہ (اُمت نیوز)پاکستانی نژاد برطانوی سیاستدان ساجد جاوید نے آئندہ الیکشن میں حصہ نہ لینے کا اعلان کردیا ہے۔
ساجد جاوید برطانیہ کے وزیر خزانہ، صحت اور داخلہ رہے ہیں۔ وہ برطانوی وزیر خزانہ کے عہدہ پر فائز ہونے والے پہلے غیر سفید فام رکن پارلیمنٹ ہیں۔
اب انہوں نے آئندہ الیکشن میں حصہ نہ لینے کا اعلان کیا ہے اور اس حوالے سے ان کا کہنا ہے کہ الیکشن میں حصہ نہ لینے کا فیصلہ بہت سوچ بچار کے بعد کیا ہے۔
میڈیا رپورٹس کے مطابق ساجد جاوید کے علاوہ بھی کئی ارکان پارلیمنٹ نے آئندہ انتخابات میں حصہ نہ لینے کا فیصلہ کیا ہے اور ان ارکان کی تعداد 11 ہے۔