محمدرضوان نے اوکاڑہ کےمداح کی خواہش پوری کردی

کراچی(امت نیوز)قومی ٹیم کے وکٹ کیپر بیٹسمین محمد رضوان نےاوکاڑہ سے آنے والے مداح کی ملنے کی خواہش پوری کردی،گلے لگایا اور شرٹ پرآٹوگراف دیا

ضلع اوکاڑہ کے چھوٹے سے گاؤں کا رہائشی پاکستان ٹیم کا فین اعجاز احمد پاکستان اور نیوزی لینڈ کے درمیان پہلا ٹیسٹ دیکھنے کے لیے موٹرسائیکل پر چار روز کا مسلسل سفر طے کرنے کے بعد کراچی پہنچا تھا۔

سوشل میڈیا پر اعجاز کی رضوان سے ملاقات کی ویڈیو شیئر کی گئی ہے جس میں مداح کو رضوان سے ملاقات کے دوران محبت کا اظہار کرتے دیکھا جاسکتا ہے۔

ملاقات میں مداح نے رضوان کو ان کی تصویر بھی تحفے میں دی جس پر  رضوان نے مداح کو گلے لگایا اور  اس کی شرٹ پر آٹوگراف بھی دیا

اعجاز احمد کا کہنا تھا   بابر اعظم اور محمد رضوان سمیت پوری پاکستانی ٹیم کا فین ہوں، ان دونوں سے ملنے کا خواہشمند تھا۔