بھارت میں بے نظیرکی تصویر پر بی جے پی آگ بگولا

نئی دہلی (انٹرنیشنل ڈیسک) بھارتی ریاست کیرالہ میں سابق پاکستانی وزیراعظم بے نظیر بھٹو کی تصویر پر انتہا پسند حکمراں جماعت بھارتیہ جنتا پارٹی بھڑک گئی ۔ بی جے پی  رہنماؤں  نے تصویر لگانے کو بھارت سے غداری قرار دے دیا ۔پیپلزپارٹی کی رہنما نےٹوئٹ کیا کہ ہر طرف انتہاپسند بھٹو کے نام سے نفرت کرتے ہیں

کیرالہ میں کمیونسٹ پارٹی کے خواتین ونگ  آل انڈیا ڈیموکریٹک ویمنز ایسوسی ایشن  کے زیراہتمام نیشنل کانفرنس کا انعقاد کیا جا رہا ہے اور اس سلسلے میں ریاستی دارالحکومت کی تمام اہم شاہراہوں اور مقامات پر بینرز لگائے گئے ہیں۔ایک معروف شاہراہ کو پاکستان کی سابق وزیراعظم بے نظیر بھٹو کی تصاویر سے سجا کر اس جگہ کو بے نظیر اسکوائر کا نام دیدیا گیا

بے نظیراسکوائر میں بے نظیر بھٹو کی تصویر بھی لگائی گئی ہے ،جس پر لکھا ہے کہ بے نظیر بھٹو پاکستان کی پہلی خاتون وزیراعظم تھیں جنہیں ہارورڈ سمیت دنیا کی 9 بہترین یونیورسٹیوں سے ڈاکٹریٹ کی ڈگریاں دی گئیں۔
انڈیا میں دائیں بازو کی جماعتوں کے حامی پاکستان کی سابق وزیراعظم کی تصویر استعمال کرنے پر کمیونسٹ پارٹی آف انڈیا پر تنقید کر رہے ہیں اور انہیں انڈیا مخالف قرار دے رہے ہیں
سریجیتھ پانیکر نے ایک ٹویٹ میں لکھا کہ ’بے نظیر بھٹو نے 1990 میں کہا تھا کہ پاکستان انڈیا سے ہزار سالہ جنگ لڑے گا اور وہ وہی دہرا رہی تھیں جو ان کے والد ذوالفقار علی بھٹو کہا کرتے تھے۔

Dear @SubhashiniAli ji, Benazir Bhutto had said in 1990 that Pakistan would fight a 1000-year war with India. She was repeating what her father Zulfiqar Ali Bhutto had said earlier. May I ask you—the vice president of AIDWA—why such a person is featured in your posters? pic.twitter.com/IFJFODvAdK

— Sreejith Panickar (@PanickarS) January 7, 2023

انڈیا کی حکمران جماعت بھارتیہ جنتا پارٹی (بی جے پی) کے کیرالہ میں صدر سُریندرن نے بے نظیر بھٹو کے پوسٹر کی تصویر شیئر کرتے ہوئے کمیونسٹ پارٹی آف انڈیا کے لیے لکھا ’آپ لوگ جنم سے ہی ملک مخالف ہیں۔

Noticed Benazir Bhutto's flex at the national conference of the AIDWA. No wonder, you people anti National by birth itself. She & her family were anti-India to the core. Benazir vowed, "to cut India into pieces." Shame @cpimspeak pic.twitter.com/5rFJaoVAPZ

— K Surendran (@surendranbjp) January 5, 2023

انہوں نے الزام لگایا کہ ’وہ (بے نظیر بھٹو) اور ان کا خاندان انڈیا مخالف ہے۔ بے نظیر نے انڈیا کے ٹکڑے کرنے کا عزم کیا تھا

Extremists everywhere hate the Bhutto name. In Kerala,India when the All India Democratic Women’s Association put up Shaheed Benazir Bhutto’s poster as an iconic leader,BJP crowds vandalised it. Her courage outshines their hate. Kudos to #AIDWA for standing up to their ideals. pic.twitter.com/ExkWOmJpt3

— SenatorSherryRehman (@sherryrehman) January 7, 2023

پاکستان کی وفاقی وزیر  پیپلز پارٹی کی رہنما شیری رحمان نے انڈیا میں دائیں بازو کی جماعتوں کی طرف اشارہ کرتے ہوئے لکھا کہ ہر طرف انتہا پسند بھٹو نام سے نفرت کرتے ہیں۔ان کا مزید کہنا تھا کہ کیرالہ میں آل انڈیا ڈیموکریٹک ویمن ایسوسی ایشن نے شہید بے نظیر بھٹو کی تصویر لگائی جسے بی جے پی کے لوگوں نے نقصان پہنچایا۔