مغربی کنارے میں اسرائیلی فائرنگ سے مزید 3 فلسطینی شہید

مقبوضہ بیت المقدس (امت نیوز) مغربی کنارے پر اسرائیلی فوج کی فائرنگ میں مزید 3 فلسطینی شہید ہوگئے۔ اسرائیلی فوج کی فلسطینیوں پرفائرنگ کے بعد مغربی کنارے میں کشیدگی جاری ہے۔ اسرائیلی فوج نے قلندیا اور جنین کے پناہ گزین کیمپوں میں فلسطینیوں کو فائرنگ کانشانہ بنایا۔ غیر ملکی میڈیا کے مطابق مقبوضہ مغربی کنارے میں اسرائیلی فوج کی فائرنگ میں 3 فلسطینی شہید ہو گئے۔ اسرائیلی فوج کی فلسطینیوں پر فائرنگ کے بعد مغربی کنارے میں کشیدگی پائی جاتی ہے۔ فلسطینی وزارتِ صحت نے تصدیق کی ہے کہ گزشتہ روز اسرائیلی فوج نے قلندیا میں1 فلسطینی کو فائرنگ کر کے شہید کر دیا۔ فلسطینی حکام کے مطابق جنین کے پناہ گزین کیمپوں میں بھی اسرائیلی فورسز کی جانب سے 2 فلسطینیوں کو فائرنگ کا نشانہ بنایا گیا۔ فلسطینی حکام کے مطابق رواں سال کے ابتدائی 2 ہفتوں ہی میں اسرائیلی فوج کے ہاتھوں 8 فلسطینی شہید ہو چکے ہیں۔