صائم ایوب کی ‘نو لک شاٹ’ کی ہر طرف دھوم، شائقین گرویدہ

لاہور: (اُمت نیوز) پاکستان کرکٹ ٹیم کے اوپننگ بلے باز صائم ایوب کا "نو لک شاٹ” سوشل میڈیا پر وائرل ہوگیا۔

پاکستان سپر لیگ (پی ایس ایل) سے شہرت پانے والے صائم ایوب نے نیوزی لینڈ کے خلاف پہلے ٹی ٹوئنٹی میں 8 گیندوں پر 27 رنز کی دھواں دھار اننگز کھیلی اور کئی ریکارڈز بھی اپنے نام کیے۔

صائم ایوب سے سب سے پہلے پی ایس ایل میں "نو لک شاٹ” سے شہرت کمائی تھی۔

اب انٹرنیشنل کرکٹ میں بھی وہ دھوم مچا رہے ہیں، 12 جنوری کو پاکستان کی طرف سے نیوزی لینڈ کے خلاف پہلے ٹی ٹوئنٹی میں صائم نے 8 گیندوں پر 27 رنز کی مختصر لیکن دھواں دھار اننگز کھیلی۔

صائم کی بیٹنگ کی خاص بات ان کا "نو لک شاٹ” تھا جو کہ سوشل میڈیا پر خوب وائرل ہوا۔

 

No real Saim Ayub fan pass without liking the post 👍#PAKvNZ #SaimAyub #BabarAzam #BabarAzam𓃵 #AzamKhan #NZvsPAK #PakistanCricketTeam #INDvsAFG pic.twitter.com/OXEKfTTNPC

— Abdul_Basit (@abdulbasit_true) January 13, 2024

البتہ گزشتہ روز نیوزی لینڈ نے پہلے ٹی 20 میچ میں پاکستان کو 46 رنز سے شکست دے دی تھی لیکن صائم ایوب جن کا موازنہ پاکستانی لیجنڈ اوپنر سعید انور سے کیا جاتا ہے نے اپنی شاٹس سے آج کافی نئے فینز بنا لیے ہیں۔

صائم نے 337.5 کے سٹرائیک ریٹ سے بیٹنگ کی جو کہ پاکستان کے لیے ریکارڈ ہے، کم سے کم 25 رنز کی اننگز کے لیے یہ کسی بھی پاکستانی کا سب سے زیادہ سٹرائیک ریٹ ہے۔

اس کےعلاوہ صائم نے فیلڈنگ میں 4 کیچز پکڑ کر پاکستان کے لیے ٹی 20 کرکٹ کے ایک میچ میں سب سے زیادہ کیچ پکڑنے کا ریکارڈ بھی اپنے نام کیا۔