فرانس کا فلسطین کے دو ریاستی حل پر زور

جکارتہ: فرانس کے صدر ایمانویل میکرون نے ایک بار پھر فلسطین کے دو ریاستی حل پر زور دیتے ہوئے کہا ہے کہ مشرق وسطیٰ سے متعلق فرانس کی خارجہ پالیسی میں کوئی دہرا معیار نہیں ہے۔
نجی ٹی وی  کے مطابق انڈونیشیا کے صدر پرابووو سبیانتو کے ہمراہ پریس کانفرنس کرتے ہوئے فرانسیسی صدر ایمانویل میکرون نے فلسطینیوں کو جبری طور پر بے گھر کرنے کے اسرائیلی منصوبے کی سختی سے مذمت کی اور کہا کہ فلسطینی ریاست کو شرائط کے ساتھ تسلیم کرنا ایک اخلاقی فرض ہے۔

فرانسیسی صدر میکرون کا کہنا تھاکہ جب تک کہ غزہ کی صورتحال بہتر نہ ہو جائے، اسرائیل سے متعلق مو¿قف کو سخت کرنا ہو گا۔

دوسری جانب انڈونیشیا کے صدر پرابووو سبیانتو نے بھی فلسطین کے دو ریاستی حل کی حمایت کرتے ہوئے کہا کہ فلسطین کا دو ریاستی حل ہی امن کے حصول کا واحد ذریعہ ہے۔
خیال رہے کہ اکتوبر 2023 کے بعد سے اسرائیلی فورسز غزہ میں 54 ہزار سے زائد فلسطینیوں کو شہید کر چکی ہیں جن میں بڑی تعداد خواتین اور بچوں کی ہے۔