روس کا کیف پر فضائی حملہ، 31 افراد ہلاک ،150 زخمی

کیف : یوکرین کے دارالحکومت کیف پر روس نے فضائی حملہ کردیا جس کے نتیجے میں کواتین و بچوں سمیت 31 افراد ہلاک اور150 زخمی ہوگئے۔

یوکرینی حکام کے مطابق روس نے کیف کے علاقے کراماٹورک میں رہائشی اپارٹمنٹ کو نشانہ بنایا جس سے گاڑیوں کو بھی نقصان پہنچا۔روسی حملے کے بعد یوکرینی حکام نے امدادی کارروائیاں شروع کردیں۔

 اعداد و شمار کے مطابق اکتوبر 2022 میں شہر پر فضائی حملے شروع ہونے کے بعد کیف پر کسی ایک حملے میں ہلاک اور زخمی ہونے والے بچوں کی یہ سب سے زیادہ تعداد ہے۔

میڈیا رپورٹس کے مطابق کئی لوگ ملبے تلے دبے ہوئے ہیں۔ صدر ولادیمیر زیلنسکی نے روسی حملے کو دہشت گردی قرار دیا۔

ان کا کہنا تھا کہ روس نے کیف پر میزائلوں اور ڈرونز سے حملہ کیا جو قابل مذمت ہے۔