ایس سی او سربراہ اجلاس، چینی صدر کا ترقیاتی بینک کے قیام کی تجویز

چین کے شہر تیانجن میں شنگھائی تعاون تنظیم (ایس سی او) کا سربراہ اجلاس جاری ہے جہاں دنیا بھر سے بیس ممالک کے رہنما شریک ہیں۔

چینی صدر شی جن پنگ نے اجلاس سے خطاب کرتے ہوئے کہا کہ وقت کے ساتھ ایس سی او ایک تناور درخت کی شکل اختیار کر چکی ہے اور یہ تنظیم باہمی اعتماد اور اصولوں کے تحت آگے بڑھ رہی ہے۔ انہوں نے رکن ممالک پر زور دیا کہ تجارت اور معیشت کے شعبوں میں دستیاب مواقع سے بھرپور استفادہ کریں۔

شی جن پنگ نے ایس سی او ترقیاتی بینک کے قیام کی تجویز بھی پیش کی اور کہا کہ مشترکہ خوشحال مستقبل کے لیے تجارتی و مواصلاتی روابط کو مزید فروغ دینا ہوگا۔

اجلاس میں وزیراعظم شہباز شریف پاکستان کی نمائندگی کرتے ہوئے ملک کا مؤقف پیش کریں گے اور علاقائی تعاون کے ساتھ ساتھ عالمی مسائل کو بھی اجاگر کریں گے۔ وزیراعظم خطے میں امن، ترقی اور استحکام کے فروغ کے لیے ایس سی او کے کردار کو مزید مضبوط بنانے کی تجاویز دیں گے۔