انجری میں بہتری،بھارتی بیٹر شریاس ائیر اسپتال سے ڈسچارج

سڈنی: آسٹریلیا کے خلاف میچ کے دوران انجری کا شکار ہونے والے بھارتی بیٹر شریاس ائیر کو اسپتال سے ڈسچارج کر دیا گیا ہے۔

بھارتی کرکٹ بورڈ کی جانب سے جاری بیان میں بتایا گیا کہ شریاس ائیر کی پیٹ اور پسلیوں کی انجری میں بہتری آئی ہے اور وہ اسپتال سے فارغ ہو گئے ہیں۔

شریاس ائیر 25 اکتوبر کو سڈنی میں تیسرے ون ڈے میچ کے دوران انجری کا شکار ہوئے تھے اور بعد ازاں انہیں آئی سی یو میں داخل کیا گیا تھا۔ بھارتی بیٹر سفر کے لیے مکمل فٹ ہونے تک سڈنی میں قیام کریں گے۔