امریکہ نے انڈیا کو9 کروڑ ڈالر ا اسلحہ فروخت کرنے کی منظوری دے دی

واشنگٹن: امریکی محکمہ خارجہ نے کہا ہے کہ امریکہ نے انڈیا کو نو کروڑ ڈالر مالیت کا اسلحہ فروخت کرنے کی منظوری دے دی ہے۔ ان ہتھیاروں میں ٹینک شکن میزائل بھی شامل ہوں گے۔

یہ فیصلہ انڈین وزیرِ اعظم نریندر مودی کی واشنگٹن میں امریکی صدر ڈونلڈ ٹرمپ سے ملاقات کے نو ماہ بعد سامنے آیا ہے جہاں دونوں رہنماؤں نے ’دفاعی تعلقات کو آگے لے جانے‘ کا عہد کیا تھا۔

اگلے 10 سالوں میں دفاعی تعاون کو بڑھانے کے لیے دونوں ممالک نے ایک فریم ورک معاہدے پر اکتوبر میں دستخط کیے تھے۔صدر ٹرمپ نے انڈیا پر زور دیا ہے کہ وہ مزید امریکی ساختہ ہتھیار خریدے۔

اگرچہ روس، انڈیا کے لیے ہتھیاروں کی سپلائی کا سب سے بڑا ذریعہ ہے، لیکن یہ شرح 2017 اور 2023 کے درمیان 62 فیصد سے کم ہو کر 34 فیصد رہ گئی ہے۔

دوسری طرف امریکہ کے ساتھ انڈیا کی دفاعی تجارت 20 ارب ڈالرز تک پہنچ گئی ہے۔ جو امریکہ کو روس اور فرانس کے بعد اسلحہ فراہم کرنے والا تیسرا بڑا ملک بناتا ہے۔