نائیجیریا کے کیتھولک اسکول سے 227 طلبہ اور اساتذہ اغوا

 

نائیجیریا: شمال مغرب میں واقع ایک کیتھولک اسکول سے گزشتہ روز مسلح افراد نے 227 طلبہ اور 12 اساتذہ کو اغوا کرلیا۔ واقعے کے وقت کچھ طلبہ فرار ہونے میں کامیاب ہوئے، تاہم بڑی تعداد کو اغوا کر لیا گیا۔

کرسچن ایسوسی ایشن آف نائیجیریا نے اسکول سے طلبہ کی بڑی تعداد کے اغوا کی تصدیق کی ہے۔ چیئرمین نے واقعے کے بعد اسکول کا دورہ کیا اور بتایا کہ یہ 2024 کے بعد سے سب سے بڑا اغوا واقعہ ہے، کیونکہ اس سے قبل کدانا ریاست میں 200 کے قریب طلبہ کو اغوا کیا گیا تھا۔

پولیس اور مقامی انتظامیہ نے بھی سینٹ میری اسکول سے طلبہ اور اساتذہ کے اغوا ہونے کی تصدیق کی ہے اور تحقیقات جاری ہیں۔