یمن،حوثی عدالت نے 17 افراد کو جاسوسی کے الزامات میں سزائے موت سنادی

 

یمن کے دارالحکومت صنعاء میں حوثی اکثریتی تنظیم انصار اللّٰہ کی عدالت نے 17 افراد کو سزائے موت سنائی ہے۔ مقدمات میں الزام تھا کہ ملزمان نے سعودی عرب، برطانیہ اور امریکہ کے لیے خفیہ نیٹ ورک کے تحت کام کیا اور حساس معلومات فراہم کیں۔

سرکاری میڈیا کے مطابق ملزمان نے 2024 سے 2025 کے درمیان حوثی مخالف ممالک کے انٹیلی جنس اہلکاروں کے ساتھ تعاون کیا، سرکاری افسروں اور ان کی نقل و حرکت کے بارے میں معلومات فراہم کیں، اور حوثی باغیوں کے میزائل سسٹمز سے متعلق خفیہ تفصیلات شیئر کیں۔

عدالتی فیصلے میں کہا گیا کہ ملزمان نے مختلف حساس تنصیبات کے مقامات بھی مخالفین کو فراہم کیے، جس کے نتیجے میں فوجی، سکیورٹی اور شہری علاقوں پر حملے ہوئے اور متعدد افراد ہلاک ہوئے۔

تمام مجرموں کو فائرنگ اسکواڈ کے ذریعے سزائے موت دینے کا حکم دیا گیا ہے۔