پاکستان نے ابتدائی اسکواڈ کے نام آئی سی سی کو بھجوا دیے

 پاکستان کرکٹ بورڈ (پی سی بی) نے ٹی ٹونٹی ورلڈ کپ 2026 کے لیے ابتدائی 15 رکنی اسکواڈ کے نام اور ریزرو کھلاڑیوں کی فہرست انٹرنیشنل کرکٹ کونسل (آئی سی سی) کو بھجوا دی ہے۔

ذرائع کے مطابق پی سی بی 31 جنوری سے قبل اسکواڈ میں تبدیلی بغیر آئی سی سی کی اجازت کر سکتا ہے، اس کے بعد کسی بھی تبدیلی کے لیے آئی سی سی ٹیکنیکل کمیٹی کی منظوری ضروری ہوگی۔

ابتدائی ناموں میں بابر اعظم، شاہین آفریدی اور حارث رؤف کے نام شامل ہیں۔ پی سی بی سری لنکا کے خلاف سیریز کے بعد ورلڈ کپ اور آسٹریلیا کے ساتھ سیریز کے لیے اسکواڈ کا حتمی اعلان کرے گا اور سیریز میں کچھ کھلاڑیوں کی پرفارمنس دیکھ کر حتمی فیصلہ کرے گا۔

سری لنکا کے دورے کے لیے اسکواڈ میں کپتان سلمان علی آغا، عبدالصمد، ابرار احمد، فہیم اشرف، فخر زمان، خواجہ محمد نافع اور محمد نواز شامل ہیں۔ محمد سلمان مرزا، محمد وسیم جونیئر، نسیم شاہ، صاحبزادہ فرحان، صائم ایوب، شاداب خان، عثمان خان اور عثمان طارق بھی ٹیم کا حصہ ہیں۔

واضح رہے کہ آئی سی سی ٹی ٹونٹی ورلڈ کپ 7 فروری سے بھارت اور سری لنکا میں شروع ہوگا اور پاکستان کے تمام میچز سری لنکا میں کھیلے جائیں گے۔