پاکستان ٹی ٹوئنٹی اسکواڈ کا پہلا گروپ سری لنکا پہنچ گیا

پاکستان اور سری لنکا کے درمیان ٹی ٹوئنٹی سیریز کے لیے قومی ٹیم کی سری لنکا آمد کا آغاز ہو گیا ہے، جہاں قومی اسکواڈ کا پہلا دستہ کولمبو پہنچ گیا ہے۔

ذرائع کے مطابق چار کھلاڑیوں پر مشتمل پہلے گروپ میں شاداب خان، رانا فہیم اشرف، وسیم جونیئر اور سلمان مرزا شامل ہیں۔

 

اس گروپ کے ساتھ قومی ٹیم کے ہیڈ کوچ مائیک ہیسن، بولنگ کوچ ایشلے نوفکی، فیلڈنگ کوچ اور سپورٹ اسٹاف کے دیگر ارکان بھی کولمبو پہنچ چکے ہیں۔

پاکستان/سری لنکا ٹی ٹوئنٹی سیریز

قومی ٹی ٹوئنٹی سکواڈ کا چار کھلاڑیوں پر مشتمل پہلا گروپ کولمبو پہنچ گیا

کولمبو پہنچنے والے پہلے گروپ میں شاداب خان ، رانا فہیم اشرف ، وسیم جونئیر اور سلمان مرزا شامل

ہیڈ کوچ مائیک ہیسن ، باؤلنگ کوچ ایشلے نوفکی، فیلڈنگ کوچ اور سپورٹ سٹاف کے… pic.twitter.com/mgSJjrEQrt

— PCB Media (@TheRealPCBMedia) January 4, 2026

پاکستان کرکٹ بورڈ کا کہنا ہے کہ قومی اسکواڈ کے باقی کھلاڑی اور سپورٹ اسٹاف کے دیگر ارکان 5 جنوری کی سہ پہر لاہور سے کولمبو کے لیے روانہ ہوں گے۔

ٹی ٹوئنٹی سیریز کی تیاریوں کے سلسلے میں قومی ٹیم کولمبو میں پریکٹس سیشنز میں حصہ لے گی تاکہ سیریز کے لیے بھرپور تیاری کی جا سکے۔