بھارت: کرناٹک حکومت نے طالبات کو حجاب پہننے کی اجازت دے دی

کرناٹک حکومت نے بڑا فیصلہ کرتے ہوئے اسکول طالبات کو حجاب پہننے کی اجازت دے دی ہے۔

کانگریس حکومت نے 2022 میں بی جے پی دورِ حکومت کا وہ حکم واپس لے لیا ہے جس میں حجاب پر پابندی عائد کی گئی تھی۔

تعلیم کے محکمے کی جانب سے تیار کیے جا رہے مجوزہ قواعد کے مطابق طلبہ کو کلاسز اور امتحانات کے دوران لازمی یونیفارم کے ساتھ ساتھ حجاب اور اسکارف پہننے کی اجازت ہوگی۔

2022 میں بڑا تنازع اس وقت کھڑا ہوا تھا جب کچھ مسلم طالبات کو حجاب پہننے کی وجہ سے کلاسز میں داخلے سے روک دیا گیا تھا۔

اس وقت بی جے پی حکومت نے حکم جاری کیا تھا کہ طلبہ صرف یونیفارم پہنیں۔ بعدازاں کرناٹک ہائی کورٹ نے بھی حکومت کے حکم کو برقرار رکھا تھا۔