ایران کا کویت میں امریکی میزائل اڈے پر حملے۔ ہائمارز لانچرز تباہ کرنے کا دعویٰ

ایران کی پاسدارانِ انقلاب نے دعویٰ کیا ہے کہ اس نے آج صبح اپنی جوابی فوجی کارروائیوں کے چوتھے مرحلے کے دوران کویت میں واقع امریکی فوجی تنصیبات کو نشانہ بنایا۔

آئی آر جی سی کی جانب سے جاری بیان میں کہا گیا ہے کہ حملے میں امریکا کے زمین سے زمین تک مار کرنے والے میزائلوں کے ایک اڈے کو ہدف بنایا گیا۔

بیان کے مطابق کارروائی کے دوران دو ہائمارز  میزائل لانچرز اور میزائلوں سے بھرے اسلحہ گوداموں میں آگ لگ گئی، جس کے نتیجے میں انہیں مکمل طور پر تباہ کر دیا گیا۔

پاسدارانِ انقلاب کا کہنا ہے کہ یہ حملہ ایران کے خلاف امریکی فوجی کارروائیوں کے جواب میں جاری انتقامی آپریشن کا حصہ ہے، جبکہ اس دعوے پر امریکی یا کویتی حکام کی جانب سے تاحال کوئی باضابطہ ردعمل سامنے نہیں آیا۔