مغربی کنارے میں اسرائیلی آبادکاروں کا حملہ،مسجداور فلسطینی املاک نذر آتش

مغربی کنارے کے علاقے مسافر یطا میں اسرائیلی آبادکاروں کی جانب سے فلسطینی املاک کو نقصان پہنچانے کا واقعہ پیش آیا ہے۔

مقامی ذرائع کے مطابق جنوبی ہیبرون کے فلسطینی گاؤں الطوانی میں آبادکاروں نے مبینہ طور پر گھروں، گاڑیوں اور ایک مسجد کو آگ لگا دی، جس کے باعث علاقے میں خوف و ہراس پھیل گیا۔

واقعے سے متعلق سامنے آنے والی ویڈیوز میں جلی ہوئی گاڑیاں اور متاثرہ املاک دیکھی جا سکتی ہیں۔ فلسطینی ذرائع کا کہنا ہے کہ حملے کے وقت اسرائیلی فورسز موقع پر موجود تھیں اور آبادکاروں کو تحفظ فراہم کیا گیا۔

Videos show Israeli settlers attacking the Palestinian village of al Tuwani in Masafer Yatta, south of Hebron, setting homes, vehicles and a mosque on fire. According to Palestinian media, Israeli forces provided protection for the settlers during the assault. pic.twitter.com/uKwUqEAtFo

— Al Jazeera English (@AJEnglish) July 19, 2026

مقامی افراد کے مطابق حملے کے نتیجے میں کئی خاندان متاثر ہوئے جبکہ علاقے میں کشیدگی بڑھ گئی ہے۔

مغربی کنارے میں فلسطینیوں اور اسرائیلی آبادکاروں کے درمیان کشیدگی کے واقعات میں حالیہ عرصے کے دوران اضافہ رپورٹ کیا گیا ہے، جس پر انسانی حقوق کی تنظیمیں بھی تشویش کا اظہار کرتی رہی ہیں۔