مودی نے اپنی ‘ترقی’ دکھانے کیلئے پاکستان کی بلتستان ہائی وے کی تصاویر استعمال کرلیں

بھارت میں سوشل میڈیا پر ایک ویڈیو کے حوالے سے نیا تنازع سامنے آیا ہے، جہاں معروف فیکٹ چیکر محمد زبیر نے دعویٰ کیا ہے کہ بھارتیہ جنتا پارٹی (بی جے پی) نے پاکستان کے علاقے گلگت بلتستان کی بلتستان ہائی وے کی ویڈیو کو بھارت کی ترقی کے طور پر پیش کیا۔

محمد زبیر نے سوشل میڈیا پلیٹ فارم ایکس پر جاری اپنی پوسٹ میں کہا کہ بی جے پی کی جانب سے “یہ نیا بھارت ہے” کے عنوان سے شیئر کی گئی ویڈیو دراصل گلگت بلتستان کی بلتستان ہائی وے کی ہے، نہ کہ بھارت کے کسی مقام کی۔

So @BJP4India is using video clips of Baltistan highway and claiming 'Ye Naya Bharat hai'. Wah @narendramodi ji Wah! https://t.co/4nrWlXUcdi pic.twitter.com/lMjaEUy3gB

— Mohammed Zubair (@zoo_bear) July 20, 2026

فیکٹ چیکر نے اپنی پوسسٹ میں مبینہ طور پر اصل ویڈیو اور شیئر کی گئی ویڈیو کا موازنہ بھی پیش کیا اور دعویٰ کیا کہ دونوں مناظر ایک ہی مقام کے ہیں۔

یہ معاملہ سامنے آنے کے بعد سوشل میڈیا پر مختلف صارفین کی جانب سے اس پر تبصرے کیے جا رہے ہیں، جبکہ سیاسی حلقوں میں بھی اس پر بحث جاری ہے۔

بی جے پی یا بھارتی حکومت کی جانب سے اس دعوے پر تاحال کوئی باضابطہ ردعمل سامنے نہیں آیا، جبکہ اس دعوے کی آزاد ذرائع سے بھی تصدیق نہیں ہو سکی۔

ماہرین کا کہنا ہے کہ سوشل میڈیا پر تصاویر اور ویڈیوز شیئر کرنے سے قبل ان کی تصدیق کرنا ضروری ہے تاکہ گمراہ کن معلومات کے پھیلاؤ سے بچا جا سکے۔