کراچی : کریم آباد انڈر پاس میں حادثہ، 2 دوست جاں بحق
حادثہ تیزرفتاری کےباعث پیش آیا،جاں بحق افراد کی شناخت اظہراور شہبازکےنام سےہوئی۔
August 11, 2026 · قومی
فائل فوٹو
کراچی کے علاقے کریم آباد انڈر پاس میں تیز رفتار موٹر سائیکل سلپ ہو کر فٹ پاتھ سے ٹکرا گئی، حادثے میں 2 دوست جاں بحق ہو گئے۔
پولیس کے مطابق حادثہ تیز رفتاری کے باعث موٹر سائیکل بے قابو ہونے سے پیش آیا، جاں بحق افراد کی شناخت اظہر اور شہباز کے نام سے ہوئی ہے۔
پولیس کا کہنا ہے کہ دونوں نوجوان آپس میں دوست اور گلبرگ کے رہائشی تھے۔
پولیس نے بتایا ہے کہ حادثے کے بعد لاشیں ضابطے کی کارروائی کے لیے عباسی شہید اسپتال منتقل کر دی گئی ہیں۔
ٹیگز: