امریکی فورسز کا 5 ایرانی آئل ٹینکرز تباہ کرنے کا دعویٰ

فلوریڈا: امریکی سینٹرل کمانڈ (سینٹ کام) نے دعویٰ کیا ہے کہ امریکی افواج نے کارروائی کرتے ہوئے ایران کے 5 خام تیل بردار بحری جہازوں کو تباہ کردیا۔

سینٹ کام کے مطابق یہ کارروائی ایرانی پاسدارانِ انقلاب کی جانب سے امریکی بحری جنگی جہاز کو گزشتہ دو روز کے دوران دو مرتبہ بیلسٹک میزائلوں سے نشانہ بنانے کی کوشش کے بعد کی گئی۔

امریکا کا آج رات ایران کے 5 تیل کے جہازوں کو سمندر میں تباہ کرنے کا اعلان pic.twitter.com/OwHEg1h0Ic

— Ghulam Nabi Madni (@GNMadani) September 9, 2026

امریکی سینٹرل کمانڈ کا کہنا ہے کہ دونوں میزائل حملوں کے دوران امریکی جنگی جہاز محفوظ رہا اور کسی قسم کا نقصان نہیں ہوا۔ امریکی حکام کے مطابق جہاز حملوں سے بچنے کے بعد بھی علاقائی پانیوں میں معمول کے مطابق گشت کرتا رہا۔

سینٹ کام نے مزید کہا کہ ایرانی میزائل حملوں کی کوششوں کے نتیجے میں کسی امریکی فوجی یا اہلکار کو نقصان نہیں پہنچا۔