نماز کی پابندی سے زندگی بدل گئی، ہمایوں سعید کا اہم انکشاف

کراچی: پاکستان کے معروف اداکار اور فلم ساز ہمایوں سعید نے انکشاف کیا ہے کہ باقاعدگی سے نماز ادا کرنے کی عادت نے ان کی زندگی میں مثبت تبدیلیاں پیدا کی ہیں اور انہیں ذہنی سکون حاصل ہوا ہے۔

ایک حالیہ انٹرویو میں ہمایوں سعید نے اپنے شوبز کیریئر، ذاتی زندگی اور روحانی سفر کے حوالے سے گفتگو کرتے ہوئے بتایا کہ وقت کے ساتھ ان کے سوچنے اور زندگی کو دیکھنے کے انداز میں تبدیلی آئی ہے۔

اداکار کے مطابق وہ ماضی میں کام، کامیابی اور آگے بڑھنے کی کوششوں میں مصروف رہتے تھے، جس کی وجہ سے انہیں مقابلے اور دباؤ کا سامنا بھی کرنا پڑتا تھا۔

ہمایوں سعید کا کہنا تھا کہ اب نماز کی باقاعدگی نے انہیں اندرونی سکون دیا ہے۔ وہ پہلے کی نسبت خود کو زیادہ مطمئن محسوس کرتے ہیں اور کامیابی کی دوڑ سے جڑے دباؤ میں بھی کمی آئی ہے۔

انہوں نے بتایا کہ وہ اپنی موجودہ زندگی سے خوش اور مطمئن ہیں۔ ان کی گفتگو سے یہ بات سامنے آئی کہ ان کے لیے عبادت اور روحانی وابستگی زندگی میں سکون اور اطمینان کا اہم ذریعہ بن گئی ہے۔