اسرائیلی عوام نے نیتن یاہو کو مسترد کر دیا، اپوزیشن رہنما کا دعویٰ

اسرائیل میں انتخابات کے بعد سیاسی صورتحال پر بحث جاری ہے۔ سابق آرمی چیف گادی آئزنکوٹ کی جماعت ’یاشر‘ کی رہنما اوریت فرکاش ہاکوہن نے دعویٰ کیا ہے کہ اسرائیلی عوام نے انتخابی نتائج کے ذریعے وزیرِاعظم بنیامین نیتن یاہو کی قیادت کے خلاف واضح پیغام دیا ہے۔

برطانوی خبر رساں ادارے روئٹرز سے گفتگو کرتے ہوئے اوریت فرکاش ہاکوہن کا کہنا تھا کہ نیتن یاہو کے اتحادی سیاسی بلاک کو تقریباً 20 نشستوں کا نقصان ہوا ہے، جس کے باعث اس کی پارلیمان میں اکثریت برقرار نہیں رہی۔

ان کے مطابق انتخابی نتائج ظاہر کرتے ہیں کہ ووٹرز اب نئی قیادت اور مختلف سیاسی ترجیحات کے خواہاں ہیں۔ انہوں نے کہا کہ عوام نے نیتن یاہو کو واضح طور پر بتا دیا ہے کہ وہ مزید ان کی قیادت نہیں چاہتے۔

اوریت فرکاش ہاکوہن نے مزید کہا کہ ووٹرز نے اپنے فیصلے کے ذریعے سیاسی تبدیلی کی خواہش کا اظہار کیا ہے اور اب نئی قیادت کے لیے راستہ ہموار کرنے کی ضرورت ہے۔

تاہم اسرائیل میں حکومت سازی کی حتمی صورتحال کا تعین پارلیمان میں نشستوں کی تعداد اور مختلف سیاسی جماعتوں کے درمیان ممکنہ اتحاد سے ہوگا۔