لاہور ہائیکورٹ کے جسٹس محسن اختر کیانی نے استعفیٰ دے دیا

لاہور: لاہور ہائیکورٹ کے جسٹس محسن اختر کیانی نے اپنے عہدے سے استعفیٰ دے دیا ہے۔   ذرائع کا کہنا ہے کہ انہوں نے ذاتی وجوہات کی بنا پر استعفیٰ دیا ہے

رپورٹس کے مطابق جسٹس محسن اختر کیانی نے اپنا استعفیٰ صدرِ پاکستان آصف علی زرداری کو بھجوا دیا ہے۔

تاہم، میری سنجیدہ رائے میں، چھبیسویں اور ستائیسویں آئینی ترامیم کے ذریعے کی جانے والی تبدیلیوں نے ہائی کورٹس کی آزادی اور ادارہ جاتی وقار کو نقصان پہنچایا ہے. میں نے عدلیہ کے اداروں پر ایگزیکٹو (انتظامیہ) کے بڑھتے ہوئے کنٹرول کو دیکھا ہے، جو ججوں کی تقرری اور تبادلوں تک پھیل چکا ہے. میرے نزدیک اس طرح کی مداخلت نے عدلیہ کی آزادی اور عدائتی عمل کی غیرجانبدارانہ حیثیت پر عوامی اعتماد کو شدید ٹھیس پہنچائی ہے.

خاص طور پر عام سائل کی حالتِ زار باعثِ تشویش ہے، جو نظامِ عدل کا بنیادی فریق ہے، لیکن اس کی تکلیفیں کم ہونے کے بجائے بڑھتی جا رہی ہیں. انصاف کے متلاشیوں کی ضروریات کو اکثر نظر انداز کیا گیا ہے، جبکہ وہ لوگ اس نظام کے مستفید بن چکے ہیں جو کہ اصل میں عوام کی خدمت کے لیے بنایا گیا تھا.
ان حالات میں میرا ضمیر مجھے مزید بینچ پر کام جاری رکھنے کی اجازت نہیں دیتا. یہ ایک تکلیف دہ فیصلہ ہے، لیکن یہ اس یقین کی عکاسی کرتا ہے کہ عدلیہ کا منصب آزادی، آئین سے وفاداری، اور انسانی وقار کے تحفظ سے کسی صورت الگ نہیں ہو سکتا.
لہٰذا، میں سمجھ ہوں کہ اب وقت آ گیا ہے کہ میں اپنا جبہ و دستار اتار دوں اور دوبارہ قانونی پریکٹس کی طرف لوٹوں، جس کے ذریعے میں عوام کی خدمت، ان کے حقوق کے تحفظ، اور قانونی شعور بیدار کرنے کا ارادہ رکھتا ہوں.
آخر میں، میں اپنے اساتذہ، ساتھی ججز، اور اہل خانہ کا شکریہ ادا کرتا ہوں جنہوں نے اس فیصلے تک پہنچنے کے عمل سمیت ہر موقع پر میری رہنمائی کی اور میری غیر متزلزل حمایت کی.