تہران میں پاکستانی سفیرعمران احمد صدیقی پر حملے کی تردید

تہران / اسلام آباد: تہران میں واقع پاکستانی سفارت خانے نے سوشل میڈیا اور دیگر پلیٹ فارمز پر ایران میں پاکستان کے سفیر عمران احمد صدیقی پر حملے سے متعلق گردش کرنے والی تمام رپورٹس اور خبروں کی سختی سے تردید کی ہے۔

سفارت خانے کی جانب سے جاری کردہ وضاحتی بیان میں واضح کیا گیا ہے کہ سوشل میڈیا پر سفیر پاکستان کے حوالے سے چلنے والی تمام خبریں اور ادعا بالکل بے بنیاد، من گھڑت اور حقیقت کے برعکس ہیں۔

The Embassy of Pakistan in Tehran has taken note of certain reports circulating in social media and other forums concerning Ambassador Imran Ahmed Siddiqui, Ambassador of Pakistan to the Islamic Republic of Iran. The Embassy categorically clarifies that these reports are…

— Embassy of Pakistan, Iran (@PakinIran) November 1, 2026

سفارت خانے کے ترجمان کا کہنا ہے کہ عوام اور صحافتی برادری سوشل میڈیا پر بغیر کسی تصدیق کے پھیلائی جانے والی افواہوں اور غیر مصدقہ اطلاعات پر کان نہ دھریں۔

سفارت خانے نے تمام فریقین پر زور دیا ہے کہ وہ ایسی حساس اور سفارتی معاملے سے متعلق کسی بھی خبر کو شائع یا شیئر کرنے سے قبل باضابطہ اور سرکاری ذرائع سے تصدیق کو یقینی بنائیں۔