کیچ میں سکیورٹی فورسز کا انٹیلی جنس آپریشن، 2 دہشتگرد ہلاک

ذرائع کے مطابق سکیورٹی فورسز نے مصدقہ خفیہ اطلاعات پر علاقے میں آپریشن کیا، جس کے دوران دہشتگردوں اور اہلکاروں کے درمیان شدید فائرنگ کا تبادلہ ہوا۔

کارروائی کے بعد ہلاک دہشتگردوں کے قبضے سے جدید اسلحہ، مواصلاتی آلات اور نقدی برآمد کرلی گئی۔ ذرائع کا کہنا ہے کہ برآمد ہونے والی رقم میں عام بلوچ شہریوں سے لوٹی گئی رقم بھی شامل ہے۔

آپریشن کے بعد علاقے میں مزید دہشتگردوں کی موجودگی کے خدشے کے پیش نظر سرچ اور کلیئرنس کارروائی جاری ہے۔