عافیہ صدیقی سے مبینہ بدسلوکی سے متعلق پاکستان کا پیغام مل چکا ہے،امریکا

امریکی محکمہ خا رجہ کے ترجمان کا کہنا ہے کہ پاکستانی دفتر خا رجہ نے عافیہ صدیقی سے مبینہ بدسلوکی سے متعلق رابطہ کیا ہے۔
ترجمان نے کہا کہ ڈاکٹرعافیہ صدیقی سے متعلق پاکستان کا سرکاری پیغام مل چکا ہے، پیغام عافیہ صدیقی سے بد سلوکی کے الزامات سے متعلق ہے ۔
ترجمان امریکی محکمہ خا رجہ نے کہا کہ سزا یافتہ مجرموں کے ساتھ امریکا میں عالمی قوانین کی پاسداری کی جاتی ہے۔
اس سے پہلے دفتر خا رجہ کے ترجمان کا کہنا تھا کہ ٹیکساس جیل میں قید عافیہ صدیقی کے ساتھ مبینہ بد سلوکی کی رپورٹس کا معاملہ متعلقہ حکام کے ساتھ اٹھایا ہے کہ اس کی تحقیقات کی جائیں۔