شہبازشریف گلوکار نکلے ، گانے کی وڈیوسوشل میڈیا پر وائرل

سابق وزیراعلیٰ پنجاب شہبازشریف اپنے جوشیلے خطاب اورتقریر کے دوران علامہ اقبال کے اشعار پڑھنے کی وجہ سے کافی شہرت رکھتے ہیں مگر وہ بھی گلوکار نکلے ۔ انھوں نے کراچی میں مشہور گانا ’’ اکیلے نہ جانا ہمیں چھوڑکر ‘‘ گا کر سب کو حیران کردیا۔

شہبازشریف نے کراچی کے ایک  ہوٹل میں احمد رشدی کا مشہور زمانہ گانہ گا کر سب کو حیران کر دیا۔ یہی نہیں بلکہ سماجی رابطے کی ویب سائٹ ٹوئٹر پرشہباز شریف نے اپنے بیان میں بھی بتایا کہ انھوں نے ہوٹل میں عوام کے اسرارپر گانا گایا۔

ان کا کہنا تھا کہ مقامی گلوکار کے ساتھ گانا گا کر انھیں بہت اچھا لگا۔ شہبازشریف نے اپنے گائے ہوئے گانے کی ویڈیو بھی سوشل میڈیا پر شیئر کی جو وائرل ہوگئی اورلوگوں کی جانب سے اسے خوب سراہا اور پسند کیا جارہا ہے ۔

https://youtu.be/BANcXzOd4P4