ڈیرہ اسماعیل خان، 8 نوجوان پر اسرار طور پر لاپتہ

ڈیرہ اسماعیل خان: صوبہ خیبرپختونخوا کے شہر ڈیرہ اسماعیل خان سے ایک ہی محلے کے 8 نوجوان پر اسرار طور پر لاپتہ ہوگئے۔
تفصیلات کے مطابق ڈیرہ اسماعیل خان کے محلہ حیات اللہ سے 8 نوجوان پر اسرار طور پر لاپتہ ہوگئے۔
پولیس ذرائع کے مطابق 20 جون کے بعد سے تھانے میں 8 لڑکوں کے لواحقین کی جانب سے مختلف دنوں میں لاپتہ نوجوانوں کی رپورٹ درج کرائیں جبکہ اس حوالے سے آخری رپورٹ گزشتہ روز درج کی گئی۔
والدین نے بتایا ہے کہ ان کے بچے 20 جون کو ظہر کے بعد سے مختلف اوقات میں لاپتہ ہوگئے اور گھر واپس نہیں آئے۔ لڑکوں کی عمریں 15 سے 20 سال کے درمیان بتائی گئی ہیں، جن میں سے زیادہ تر طالب علم ہیں۔
تاہم پولیس نےابتدائی رپورٹ درج کرکے تحقیقات کا آغاز کردیا۔