اسپینش پولیس کی کتے کو طبی امداد فراہم کرنے کی تربیت

 

میڈرڈ : اسپین کے پولیس اہلکاروں نے کتوں کو سی پی آر دینے کی تربیت دے دی، سوشل میڈیا پر وائرل ویڈیو میں دیکھا جاسکتا ہے کہ کتّا پولیس اہلکار کو دل دورہ پڑنے کی صورت میں طبی امداد فراہم کررہا ہے۔

تفصیلات کے مطابق اسپین کی پولیس نے دل کا دورہ پڑنے کی صورت میں کتے کو طبی امداد فراہم کرنےکی تربیت دے دی۔

غیر ملکی خبر رساں اداروں کا کہنا تھا کہ پونچو نامی پولیس کتّے نے ٹرینگ کے دوران ڈرامائی انداز میں دل کا دورہ پڑنے والے پولیس آفیسر کو زمین پر گرتے ہی سی پی آر (طبی امداد) دے کر فوراً اس کی جان بچائی، جس کے بعد پولیس افسر نے کتّے کو شاباشی بھی دی۔کتّے کی ناقابل یقین کارکردگی دیکھنے والے شہریوں نے تالیاں بجا کر کتّے کو داد دی۔

پولیس آفیسر کی جان بچانے والے کتّے کی سوشل میڈیا پر وائرل ہونے والی ویڈیو کو اب تک 20 لاکھ سے زائد افراد دیکھ چکے ہیں۔میڈرڈ کی پولیس نے سماجی رابطے کی ویب سایٹ ٹویٹر پر ٹویٹ کرتے ہوئے کہا کہ پولیس عملے کے کتّے نے ٹرینگ کے دوران ڈرمائی انداز میں دل کا دورہ پڑنے کی صورت میں بغیر ہچکچائے اہلکار کی جان بچائی۔

میڈرڈ پولیس نے اپنے ٹویٹ میں انسانی خدمات انجام دینے والے امریکی جوش بلنگ کا حوالہ دیتے ہوئے کہا کہ دنیا میں واحد کتّا ایسا جانور ہے جو آپ کو اتنا پیار کرے گا جتنا آپ خود اپنے آپ سے بھی نہیں کرتے۔