لیبیا میں پانی پلانٹ پرحملہ۔ 2افراد ہلاک،2 اغوا

طرابلس:لیبیا میں پانی فراہمی کےپلانٹ پر نامعلوم مسلح افراد نے حملہ کرکے 2 ملازمین کو ہلاک اور 2 کو اغوا کرلیا
العربیہ ٹی وی کے مطابق لیبیا کے انسانی ساختہ آب رسانی کے اس منصوبے پر گزشتہ48 گھنٹے میں یہ دوسرا حملہ ہے۔

اس منصوبے کی انتظامیہ نے کہا ہے کہ دہشت گرد دارالحکومت طرابلس سے تقریبا ڈیڑھ ہزار کلومیٹر جنوب مشرق میں واقع علاقے میں شروع کیے گئے پانی کے منصوبے پر کام کرنے والے ملازمین ،ان کے خاندانوں اور بچوں پر حملے کررہے ہیں، وہ انہیں ہلاک اور دہشت زدہ کررہے ہیں۔

دہشت گردوں کے حملے میں ایک انجینئر اور ایک سکیورٹی محافظ مارا گیا ہے اور وہ2 محافظوں کو اغوا کرکے ساتھ لے گئے تھے۔فوری طور پران دونوں حملوں کی ذمہ داری کسی گروپ نے قبول نہیں کی ۔