کراچی میں اداکار شان شوکت خانم ہسپتال کے لیے عطیات جمع کرنے سڑکوں پر نکل آئے

کراچی: معروف پاکستانی فلم اداکار شان شاہد کراچی کی سڑکوں پر شوکت خانم میموریل کینسر ہسپتال کے لیے عطیات جمع کرنے کی مہم میں حصہ لیتے دکھائی دیے۔

سوشل میڈیا پر گردش کرنے والی ویڈیو میں شان شاہد سبز شرٹ پہنے ٹریفک میں رکی گاڑیوں اور موٹر سائیکل سواروں کے قریب جا کر گلابی پمفلٹ تقسیم کرتے نظر آتے ہیں۔ شہری بھی اپنی گاڑیوں سے ہاتھ باہر نکال کر ان سے پمفلٹ وصول کرتے دکھائی دیے۔

فلم اداکار شان کراچی شوکت خانم ہسپتال کے پمفلٹ بانٹ رہا ہے ڈونیشن کے لیے pic.twitter.com/ZoMOPMLUyk

— Ali Kayani (@official_kayani) October 22, 2026

شوکت خانم میموریل کینسر ہسپتال پاکستان کا ایک معروف فلاحی ادارہ ہے جہاں مستحق مریضوں کو کینسر کے علاج کی سہولت فراہم کی جاتی ہے۔ ہسپتال اپنے طبی اور فلاحی منصوبوں کے لیے بڑی حد تک عوامی عطیات پر انحصار کرتا ہے۔

شان شاہد کی اس مہم کی ویڈیو سوشل میڈیا پر توجہ حاصل کر رہی ہے، جبکہ صارفین کی جانب سے ہسپتال کے لیے عطیات جمع کرنے کی اس کوشش کو سراہا جا رہا ہے۔